د سرطان د نړیوالي ورځي سره هم مهاله په کابل کي د اروپايي ټولني پلاوي په افغانستان کي د سرطان د درملني د نوي مرکز لپاره خپل ملاتړ اعلان کړی دی.
دغه ټولني په یوه پیغام کي ټینګار کړی چي د روغتیايي ننګونو سره د اغیزمني مقابلې لپاره دوی د ښځو د روغتیايي علومو کي زدهکړي ته اړتیا لري.
د اروپايي ټولني په وینا، د سرطان ناروغانو لپاره دا ملاتړ به په افغانستان کي د نړیوال روغتیا سازمان سره په همږغۍ پلي سي.
د عامي روغتیا وزارت هم په یوه پیغام کي ویلي، چي په افغانستان کي د سرطان پېښي زیاتي سوي دي.
د وزارت د شمېرو له مخي، تېر کال په ټول هیواد کي د سرطان ۶۰۰۰ نوي پېښي ثبت سوي وې او په دې ناروغۍ اخته ۴۲۰۰۰ نورو کسانو په روغتونونو کي د درملني غوښتنه کړې وه.