د اروپايي رسنۍ، یورو نیوز د راپور له مخي چي د سپتمبر په لومړۍ نېټه خپور سوی، د کډوالۍ او پناه غوښتني لپاره د اتریش فدرالي ادارې ویلي، په افغانستان کي د امنیتي وضعیت د بدلون له کبله دغه هيواد ته د افغان کډوالو د استولو جواز سته.
په راپور کي راغلي ویانا وايي، غواړي له برلین سره د ګډ اخراج په برخه کي له نږدې همکاري وکړي.
په دې راپور کي د اتریش هيواد د صدراعظم کارل نیهمیر په حواله راغلي چي، د دې هيواد د کورنیو چارو وزیر له ډيري مودې راهیسي خپل جرمني سیال سره په دې اړه خبري اتري کوي.
د اتریش هيواد دا پرېکړه وروسته له هغې کوي، چي جرمني د جمعې په ورځ ۲۸ افغان کډوال افغانستان ته ستانه کړل.