د افغانستان کرکټ بورډ د بنګلهدېش او زېمبابې پر وړاندي د سیالیو د لوبلړۍ نېټې په ډاګه کړې.
د یکشنبې په ورځ د کرکټ بورډ په خبر پاڼه کي ویل سوي چي افغانستان او بنګلهدېش به د نومبر میاشتې په ۶مه، ۹مه او ۱۱مه نېټه درې یو ورځنۍ سیالۍ ترسره کړي.
خبرپاڼه زیاتوي، د دې سیاليو کوربتوب هم د افغانستان په غاړه دی او لوبي به د عربي متحده اماراتو په شارجه لوبغالي کي ترسره کېږي.
دغه راز په خبرپاڼه کي ویل سوي چي د روان کال په ډسمبر میاشت کي به افغانستان له زېمبابوې سره د ټېسټ، یو ورځنیو او شل اوریزو سیالیو لوبلړۍ هم ترسره کړي او بیا به د نوي میلادي کال په پیل کي له وېسټ اینډیز سره هم د یو ورځنیو سیالیو لوبلړۍ ولوبوي.
د ویلو ده چې افغانستان په خپله وروستۍ لوبلړۍ کي سویلي افریقا ته ماته ورکړه.