د پاکستان او انګلستان ترمنځ پیل سوې لومړۍ ټېسټ سیالي نن جمعه د اکټوبر په ۱۱مه نېټه پای ته ورسېده چي انګلستان په یوې پاڼۍ او ۴۷ منډو وګټله.
دغه ټېسټ سیالي چي د ملتان په ښار کي پیل سوې وه، پاکستان د پچي تر ګټلو وروسته توپوهنه وکړه او په لومړۍ پاڼۍ کي یې د شان مسعود، عبدالله شفیق او سلمان اغا د سلیزو پر مټ ۵۵۶ منډي وکړې.
د انګلستان لوبډلي بیا په خپله لومړۍ پاڼۍ کي ۸۲۳ منډي وکړې چي د یادي لوبډلي لپاره هري بروک ۳۱۷ او جو روټ ۲۶۲ منډي وکړې.
د انګلنډ لوبډله په لومړۍ پاڼۍ کي تر پاکستان ۲۶۷ منډي مخکي وه، پاکستان چي خپله دویمه پاڼۍ د څلورمي ورځي په اخري ساعتونو کي پيل کړې وه، د وروستۍ ورځي په لومړي سېشن کي یوازي د ۲۲۰ منډو په جوړولو وسوځېدل او پهدې سره یې یو وار بیا په خپل کوربهتوب ټېسټ لوبه وبایلله.