د ایران په سویلي ولایت خراسان کي د ډبرو سکاره یوه کان کي د چاودني له کبله تر ۵۰ ډېر کسان وژل سوي دي.
رپوټونه وايي ۲۴ نور کارګر ورک دي او فکر کیږي چي د کان د ننه بند پاته دي.
ایراني چارواکو ویلي دا پېښه تېره شپه شاوخوا ۹ بجې سوې او دلیل یې هم د ډبرو سکارو په تونلونو کي د متان ګاز تولید دی چي په کیمیاوي بڼه د چاودني لامل کیږي.
د ایران دولتي خبري اژانس (ایرنا) ویلي، د چاودني پر مهال ۶۹ کارګر د پېښي په ځای کي وه.
په ایران کي په ځينو کاري سیمو په ځانګړي ډول کانونو کي په وروستیو څو کلونو کي درانه ځاني او مالي زیانونه اړولي دي.