د رواني میلادي میاشتي (جون) په ۲۲مه نېټه، د افغانستان د ښځو د همغږۍ چتر (AWCU) په نوښت په کاناډا کي یو کنفرانس د “افغانانو ترمنځ د یووالي او باور جوړولو” تر عنوان لاندي جوړ سوی. د دې کنفرانس موخه د افغانستان د اوسني بحران د حل له پاره د ټولو افغانانو ترمنځ د باور فضا رامنځ ته کول او د ټولو قومونو او ډلو ترمنځ د مساوي یووالي ټینګښت وو.
د کنفرانس ګډونوالو ټینګار کړی، چي د افغانستان له روانو ستونزو څخه د وتلو یوازینۍ لار د ټولو قومونو او ولسونو ترمنځ ریښتینی تفاهم او یوځای کېدل دي.
دوی وویل، دا یووالی باید د شعارونو او نندارېزو فعالیتونو پر ځای په عملي بڼه ثابت سي، ترڅو ټول افغانان ورباندي باور وکړي او خپل راتلونکی پکښي وویني.
د کنفرانس برخوالو زیاته کړې، چي په افغانستان کي باید مذهبي، قومي او سیاسي افراطیت پای ته ورسېږي او د ولس د ستونزو د حل له پاره عملي ګامونه واخیستل سي.
دوی د یوه مشروع او ټولشموله نظام د رامنځ ته کولو پر اړتیا ټینګارکړی، چي د افغان ولس باور بېرته ترلاسه کړي او ټول قومونه او ډلي پکښي خپل ځای پيدا کړي.
ګډونوالو وویل، د قدرت انحصار او پټ تړونونه نه یوازي د افغانستان بیا رغونه نه سي کولای، بلکي هیواد او ولس نور هم د بدبختۍ پر لور بیايي. دوی د خلکو ریښتیني ګډون ته په پام سره د بیا رغوني پر اهمیت ټینګار وکړ.
په غونډه کي د افغان ښځو د حقونو، په تېره بیا د کار، زدهکړو او روغتیا په برخو کي د پاملرني غوښتنه کړې او د ښځو پر وړاندي د تبعیضي چلند د مخنیوي ږغ ئې پورته کړی. د کنفرانس ګډونوالو، چي پکښي مدني فعالان، خبریالان، د بشري حقونو د سازمانونو استازي، ځوان سیاستوال او ښځي شاملي وې، د افغان میرمنو د ژوند د ښه والي او د دوی د حقونو د خوندیتوب پر اړتيا ټينګار کړی.
د افغانستان د ښځو د همغږۍ چتر (AWCU) هغه سازمان دئ، چي د افغان ښځو د حقونو د دفاع او د دوی د ژوند د شرایطو د ښه والي له پاره فعالیت کوي. دا کنفرانس د دغه سازمان لهخوا د افغانانو ترمنځ د یووالي او همکارۍ د پیاوړتیا په موخه جوړ سوی وو، چي په ترڅ کي ئې د ټولشموله او عادلانه نظام د جوړېدو او د ولس د باور بېرته ترلاسه کولو پر اړتیا ټینګارسوی وو.
Manage Cookie Consent
Functional Always active
The technical storage or access is strictly necessary for the legitimate purpose of enabling the use of a specific service explicitly requested by the subscriber or user, or for the sole purpose of carrying out the transmission of a communication over an electronic communications network.
Preferences
The technical storage or access is necessary for the legitimate purpose of storing preferences that are not requested by the subscriber or user.
Statistics
The technical storage or access that is used exclusively for statistical purposes. The technical storage or access that is used exclusively for anonymous statistical purposes. Without a subpoena, voluntary compliance on the part of your Internet Service Provider, or additional records from a third party, information stored or retrieved for this purpose alone cannot usually be used to identify you.
Marketing
The technical storage or access is required to create user profiles to send advertising, or to track the user on a website or across several websites for similar marketing purposes.