د امریکا د متحدهایالتونو ولسمشر جوبایډن وایي، تر اوسه پهدې اړه پرېکړه نهده سوې چي اسراییل ایران ته څه ډول ځواب ورکړي، خو هغه سپارښتنه کوي چي اسراییل دي د ایران د تېلو پر تاسیساتو برید نهکوي.
بایډن دغه څرګندوني د جمعې په ورځ په سپینه ماڼۍ کي یوه ورځ وروسته له هغه وکړې چي ویلي یې وه، پر دغسي بریدونو خبري رواني دي.
بایډن وویل، که دی د اسراییل پر ځای وای نو به یې د ایران د تېلو له تاسیساتو پرته په نورو بدیلو هدفونو فکر کړای وای.
بایډن زیاته کړه چي اسراییل پر دې هیواد د ایران د تېري سهشنبې د ورځي د توغندوییز پراخ برید په وړاندي د غچ اخیستونکي اقدام په اړه کومي نتیجې ته نهدی رسېدلی، چي د دې هیواد په وړاندي څه ډول او څرنګه اقدام ترسره کړي.
د امریکا د ولسمشر تر دې څرګندونو مخکي پرون د ایران لوی مشر ایاتالله علي خامنهیي په تهران کي د جمعې په خطبه کي پر اسراییل د ایران برید قانوني او مشروع وباله او ویې ویل چي که اړتیا وي تهران به بیا هم دغه کار ترسره کړي.