د امریکا د متحدو ایالتونو ولسمشر جوبایډن یوځل بیا له افغانستان څخه د امریکایي ځواکونو د ایستلو دفاع وکړه، خو ویې ویل چي دا یوه سخته، خو سمه پرېکړه وه.
بایډن دغه څرګندوني پرون د ملګرو ملتونو د عمومي اسامبلۍ کلنۍ غونډي ته په وینا کي وکړې.
جوبایډن د ۲۰۲۱م کال په دوبي کي له افغانستانه د امریکایي ځواکونو د وتلو پر مهال ځانوژونکې حمله چي ۱۳ امریکایي سرتېري او له ۱۷۰ زیات افغانان پکښي ووژل سول او مسوولیت یې د اسلامي دولت ډلي ومنی یوه تراژیدي وبلله.
انتقاد کوونکي د بایډن اداره تورنوي چي له افغانستان څخه په ګډوډۍ کي د امریکایي ځواکونو د وتلو په نتیجه کي یې پخوانی حکومت ړنګ او طالبان بیا واک ته ورسېدل.