په پام کي ده چي د افغانستان او جنوبي افريقا د کرکټ د ملي لوبډلو ترمنځ د یو ورځنیو لوبو لړۍ سبا د سپټمبر ۱۸مه پیل سي.
پهدې لوبلړۍ کي چي کوربه یې افغانستان دی د دواړو لوبډلو ترمنځ ۳ یو ورځنۍ لوبي پلان سوي دي.
لومړۍ لوبه سبا د متحده عربي اماراتو د شارجې په لوبغالي کي د کابل په وخت د مازیګر په څلور نیمي بجې په پام کي ده.
دوهمه لوبه به د جمعې په ورځ او درېیمه لوبه به د یکشنبې په ورځ ترسره سي.
دا د افغانستان او جنوبي افریقا د ځواکمني لوبډلي ترمنځ لومړنۍ دوه اړخیزه لوبلړۍ ده.