د افغانستان د فوټبال فدراسیون نن پر خپله فېسبوک پاڼه لیکلي چي، د فوټسال لوبډلي تمرینات د ازبکستان په پلازمېنه تاشکند کي روان دي.
د دغه فدراسیون د معلوماتو لهمخي، په ازبکستان کي د ۲۰۲۴ کال نړیوال جام کي د افغانستان لومړۍ لوبي ته ۳ ورځي پاته دي.
افغانستان، ارجنټاین، اوکراین او انګولا په سي ګروپ کي شامل دي او د افغانستان لومړۍ لوبه به د یکشنبې په ورځ د انګولا پر وړاندي وي.
افغانستان د تلي میاشتي په ۱۹مه نېټه په تاشکند کي د مراکش لوبډلي ته په یوه دوستانه لوبه کي څلور پر درې ماته ورکړه.
تر دې وړاندې افغانستان په یوه بله دوستانه لوبه کي له پاراګوای سره ۲-۲ مساوي لوبه وکړه.