خبر زیاتوي چي یادي سیالۍ د هرات ولایت په کوربتوب پيل سوي چي د فوټبال د پینځو زونونو اتلي لوبډلي به پکښي سیالۍ ترسره کړي.
د خبر د جزییاتو له مخي، له دې سیالیو به دوې مخکښي لوبډلي د افغانستان د فوټبال اتلانو لیګ ته لار پیدا کړي.
په دې سیالیو کي د هرات، ننګرهار، کابل، هلمند او بلخ استازي کلبونه برخه لري چي څو اوونۍ وړاندي یې د خپلو زونونو په کچه سیالیو کي اتلولۍ ګټلي وې.
د دې ټورنمنټ لومړۍ لوبه د هرات او کابل استازو کلبونو ترمنځ وه چي مساوي پای ته ورسېدل او وروستۍ لوبه به د نومبر میاشتي په لسمه نېټه د هلمند او کابل کلبونو ترمنځ ترسره سي.