دغه سیالي چي د چهارشنبې په ورځ د ازبکستان په کوربتوب تر سره سوه، د لوبي په لومړۍ نیمايي کي افغانستان یو ګول وهلی وو، خو پاراګوی هېڅ ګول نه و وهلی.
د لوبي تر ټاکلي وخته پوري پاراګوای هم یو ګول ترسره کړ او په دې سره لوبه تر ټاکلي وخته ۱ـ۱ مساوي روانه وه.
د پاراګوای لوبډلي په ورکړل سوي اضافي وخت کې دوه نور ګولونه هم ترسره کړل او په دې سره یې د کوارټرفاینل پړاو ته لار پيدا کړه.
افغانستان د دې سیالۍ په بایللو سره په نړیوال جام کي له مخکي تګ څخه پاته سو.
دا لومړی ځل و چي د افغانستان د فوټسال ملي لوبډله په نړیوال جام کي لوبېږي او په خپلي لومړۍ لوبه کي یې خپل سیال مات کړی وو.