افغانستان د یکشنبې په ورځ په عمان کي د اسیا د ځوانانو د کرکټ جام په پای لوبه کي سریلانکا ته په اوو ویکټو ماته ورکړه او د لومړي ځل لپاره یې د دغو سیالیو اتلولي خپله کړه.
افغانستان له ۲۰۱۳م کال راهیسي د اسیا د ځوانانو د کرکټ په سیالیو کي ګډون کوي.
د اسیا ایمرجېنګ کپ سیالۍ د افغانستان، هند، بنګله دیش، عمان، متحده عرب امارات، هانک کانګ، سریلانکا او پاکستان په ګډون ترسره سوې.
که څه هم ګڼو ټیمونو ځوانو لوبغاړو ته چانس ورکړی وو، خو د ملي ټیمونو اکثر مهمي څېرې هم په دې لوبو کي شاملي وې.