وېسټ نن جعمه پر خپله ایکس پاڼه دا برید “بې رحمه ترهګریز” برید بللی دی.
بل خوا اسلامي دولت نومي ډلي یا داعش د کندهار د ځانمرګي برید د مسولیت اخیستلو تر څنګ د برید کوونکي انځور هم خپور کړی دی.
اسلامي دولت خراسان (ISKP) د خپلي رسنیزي څانګي اعماق له لاري په یوه اعلامیه کي د برید پړه منلې او لیکلي یې دي، چي طالبانو ته یې مرګ ژوبله په کښي اړولې ده .
په اعلامیه کي د دغه ځانمرګي بریدګر نوم معاویه پنجشېری یاد سوی، چي ادعا کیږي لسګونه طالبان یې وژلي او ژوبل کړي دي.
د کندهار د امنیه قومندانۍ په اعلامیه کي هم ویل سوي وه چي دغه برید “د يوه تن ځانمرګي خوارج له خوا” سوی دی او خوارج اصطلاح د داعش ډلي لپاره کارول کیږي.
داعش په افغانستان کي واک ته د طالبانو له ګرځېدو راوروسته د ځینو خونړیو ځانمرګو او نورو بریدونو مسوولیت منلی دی.
د اسلامي امارت د دفاع سرپرست وزیر ملا محمد یعقوب مجاهد وړاندي ویلي وه، چي واک ته د دوی له رسېدو وروسته د اسلامي دولت یا داعش د وسله والو له خوا په سویو بریدونو کي تر ټولو زیات د تاجیکستان او پاکستان وسله وال شامل وه.