د غزني ولایت د بدني روزني او سپورټ آمریت مسوولین وايي، چي د دغه ولایت ګېلان ولسوالۍ کي د ۱۰ لوبډلو ترمنځ د فوټبال غوره لیګ سیالۍ د هیواد بازانو لوبډلي په بریا پای ته ورسېدې

سرچینې ویلي، د پایلوبې په ترڅ کي هیواد بازانو لوبډلي شاهین افغان لوبډلي ته ۳- ۱ ګولونو په توپیر ماته ورکړه او د یادو سیالیو اتلولي یې خپله کړه.

د سیالیو په پای کي د اتلي لوبډلي لوبغاړو ته جایزې هم ورکړل سوې.

د یادوني وړ ده، چي دا ډول سیالۍ د ځوانانو د روغتیا او ورزشي پرمختګ لپاره خورا ګټوري بلل کیږي او د سیمي خلکو یې تود هرکلی کړی دی.