د اسوشیتید پرس خبري اژانس د راپور لهمخي ډاکټرانو د وژل سویو کوچنیانو عمرونه شپږ او له شپږو کلونو کم ښودلي دي.
اسراییلي ځواکونو له تېري یوې میاشتي راهیسي د غزې تړانګي په تر ټولو لیري شمالي سیمو کړۍ تنګه کړې ده.
پوځ ویلي چي پهدې سیمو کي د حماس وسلهوال بیا منسجم سوي دي.
په عینحال کي د لبنان روغتیا وزارت وویل، پرون د بیروت په جنوب کي د هستوګني پر یوې ودانۍ د اسراییل د هوایي برید په نتیجه کي لږ تر لږه شپږ کسان وژل سوي او پنځلس نور ټپیان دي.
اسراییلي ځواکونو د حماس ملاتړي د لبنان پر حزبالله ډلي پهدې وروستیو کي حملې زیاتي کړي چي د پوځ په وینا په ترڅ کي یې د دې ډلي د جګپوړو مشرانو په ګډون په سلګونو غړي وژل سوي دي.