دغه بنسټ پر اېکس ویلي، چي په ۲۰۲۴ کال کي به د ۸۵۰ زره کورنیو په ګډون ۵.۹ میلیونه کسان له دغو بستو څخه برخمن سي.
د دغه سازمان د معلوماتو له مخي، دغه مرستي به د هیواد په سوېل ختيځو سيمو کي ووېشل سي.
د ملګرو ملتونو د خوړو او کرني اداره زیاتوي، چې دغه مرستې د نړیوال بانک، د امريكا د بهرني پراختيا بنسټ او سویډن له خوا تمویلېږي.
دا په داسې حال کي ده، چي د ملګرو ملتونو د خوړو نړیوال پروګرام په یوه راپور کي ویلي چي په افغانستان کي ۱۲.۴ میلیونه وګړي د خوراکي توکو له «شديد» ناخوندیتوب سره مخ دي.
دغه سازمان وايي چي ډېری افغان اتباع نه پوهېږي چي خپل راتلونکي خواړه څنګه ترلاسه کړي.