د یاد ولایت د کلیو پراختیا او بیارغوني ریاست څخه په رالېږل سوې خبرپاڼه کي راغلي چي هري کورنۍ ته ۲۹۰۰ افغانۍ نغدي مرسته وېشل سوې.
د ورکړل سویو معلوماتو له مخي، د دغه ولایت په پاته ولسوالیو کي هم د بېوزله او اړو کورنیو سروې سوې او د راروان ژمي له پيل وړاندي به پر اړو او بېوزله کورنیو د خوراکي او غیري خوراکي توکو مرسته ووېشل سي.
د سیداباد ولسوالۍ اړي او بېوزله کورنۍ هم خوښي دي چي د خوړو نړیوال پروګرام له لوري ورسره مرسته وسوه، خو ټينګار کوي چي سوې مرسته دوی ته بسنه نه کوي او غوښتنه کوي چي د دغه ولسوالۍ وزګارو او اړو ځوانانو ته د دوامداره کارکولو زمینه برابره کړي.
