د پاکستاني رسنیو د راپور له مخي، دا برید د خیبرپښتونخوا ایالت د ټانک ولسوالۍ په جنډوله سیمه کي سوی دی.
امنیتي چارواکو ویلي چي د برید په نتیجه کي د ټي ټي پي یا پاکستاني طالبانو د یوه قوماندان په ګډون څلور وسله وال هم وژل سوي دي.
راپورونه وايي چي حمله کوونکو له پوستې څخه وسلې او مهمات له ځان سره وړي دي.
ټي ټي پي د دې برید مسوولیت منلی او ادعا یې کړې چي پوځ ته یې درنه مرګ ژوبله اړولې ده.
د پاکستان د شخړو او امنیتي مطالعاتو ادارې په خپل تازه راپور کي ويلي چي په دغه هیواد کي د روان ۲۰۲۴ کال په سپټمبر مياشت کي په سويو وسله والو بريدونو کي ۷۷ کسان وژل سوي دي.