د چاپېریال ساتني ملي ادارې عمومي رئيس ويلي، افغانستان د تېرو څو لسیزو جګړو له امله په هره برخه کي ډېر زیانمن سوی.
مولوي خالص له نړيوالو غوښتنه کړې چي چاپېریالي موضوعات دي نه سیاسي کوي او د افغانستان ۳۲ځنډول سوي چاپېریالي پروژې چي ارزښت یې څه باندي ۸۰۰ میلیونه ډالرو ته رسیږي؛ ژر تر ژره بیا پیل کړي.
هغه د يادې ادارې له مسوول څخه غوښتنه کړې چي له چاپېریال ساتني ملي ادارې سره د چاپېریالي، دفتري، کاري او ټرانسپورټي وسایلو د تجهیز په برخه کي همکاري وکړي.
د سره صلیب نړيوال فدراسیون رئیس هم ژمنه کړې چي د چاپېریال ساتني په برخه کي د مرستو راجلبولو په لاره کي به خپلو هڅو ته دوام ورکړي.