چارواکي وايي، د کندهار او روزګان ولایت مرکز ترینکوټ تر منځ لاره د ګردني ګاو سیمه کي نن غرمه مهال د زیات اورښت او سيلابي اوبو له امله بنده سوې ده.
د کندهار د امنيې قوماندانۍ وياند وايي، د دواړو خواوو څخه تلونکي او راتلونکي مسافر دي اوس مهال له تګ څخه ډډه وکړي.
د هغه په وينا، د لاري د خلاصیدو په صورت کي دوهمه اعلامیه خپرېږي او تر بلي خبرتيا پوري بايد خلک په تمه سي.
په جنوبي ولايتونو کي دا مهال اورښتونه دوام لري چي د زياتو سيلابونو لامل سوي دي.