افغاني سرې میاشتي ټولني ویلي چي، ۱۶ تنه په سوري زړه ناروغۍ اخته کوچنیان ئې د درملني په خاطر یو شمېر روغتونونو ته ورپېژندلي دي.
یادي ټولني په یوه خبرپاڼه کي ویلي چي، دا کوچنیان ئې په پلازمېنه کابل کي پنځو روغتونونو ته ورپېژندلي او د درملني ټول لګښت ئې دوی ورکوي.
دا کوچنیان داسي مهال د درملني روغتونونو ته ورپېژندل سوي چي، تېره اوونۍ هم یادي ټولني ۲۳ تنه په یاده ناروغۍ اخته کوچنیان د درملني له پاره په پلازمېنه کابل کي شپږو روغتونونو ته وروپېژندل.
