افغان لوبغاړي «علیرضا اساهي» په پرلهپسې توګه د دویم کال لپاره د بدن د ښکلا په نړیوالو سیالیو کې د سرو زرو مډال ګټلی دی.
د افغانستان د بدن د ښکلا فدراسیون تېره ورځ اعلان وکړ، چي افغان لوبغاړي علیرضا اساهي په پرلهپسې توګه د دویم کال لپاره د بدن د ښکلا په نړیوالو سیالیو کي د ۸۰ کیلو ګرامه وزن په سیالیو کي اتلولي وګټله.
د بدن د ښکلا دغه سیالۍ د مالدیف په »ادو» ښار کې ترسره سوې.
باید وویل سي چي په دغو سیالیو کي له افغانستان څخه نهه لوبغاړي او دوه روزونکي او د لوبډلي مسوولین ګډون لري.
د بدن جوړوني په برخه کي له افغانستان څخه عزتالله بارکزی، نایب مبارز،حمیدالله عمري، علیرضا اساهي او محمد ایوب اعظمي ګډون کړی وو.
