ټي ټي پي یا د پاکستاني طالبانو تحریک له خپلو ټولو غړیو غوښتي چي له پښتون ژغورني غورځنګ سره کار ونه لري او خپل ټول تمرکز د پاکستان پر پوځ او امنیتي ادارو وکړي.
دغه تحریک نن په یوه خبرپاڼه کي پر خپلو جنګیالیو همداراز ږغ کړی چي په قومي جرګه کي د سویو پرېکړو په اړه چپ پاته سي او له هغوی سره کار ونه لري.
د پښتون ژغورني غورخڼګ په بلنه د اکتوبر له ۱۱مه تر ۱۳مي پوري په خیبر کي د پښتنو قومي جرګه جوړه سوه.
دې جرګې غوښتنه کړې چي په دوو میاشتو کي دي د پاکستان پوځ او طالبان له ټولي پښتونخوا ووځي.
خو ټي ټي پي له خپلو غړیو غوښتي چي د پښتون ژغورني غورځنګ د غړیو له فعالیتونو سره کار ونه لري او د جرګې د پرېکړو په اړه هم تر راتلونکي وضاحت پوري هیڅ ونه وایي.
پولیس ځايي اوسیدونکي دي خو د پاکستاني پوځ تر ۹۰ سلنه ډېر غړي په پنجاب ایالت پوري تړاو لري چي هم یې ټي ټي پي او هم یې پښتون ژغورني غورځنګ غاصب پوځ بولي.