د اسراییلو پوځ وايي، د حزبالله د بریدونو په غبرګون یې په لبنان کي د یادي ډلي لسګونه اهداف ویشتلي دي.
د لبنان روغتیا وزارت ویلي چي، د اسراییلو په هوايي بریدونو کي لږترلږه نهه کسان وژل سوي.
د دغه وزارت په بیان کي راغلي، د لبنان په جنوب کي د نبطیه په ولایت کي پنځه کسان په حاریص او څلور کسان په طلوسه ښارګوټو کي وژل سوي.
د اسراییلو پوځ په خپله اعلامیه کي ویلي، وروسته له هغه یې په لبنان کي د حزبالله مواضع تر برید لاندي راوستل، چي دې ډلي د اسراییلو په شبعا مځکو باندي دوې ګولۍ توغولي دي.
د اسراییلو او حزبالله تر منځ د امریکا او فرانسې په منځګړیتوب اوربند ټینګ سوی، خو دواړو خواو تېري شپږ ورځي څو واره یو بل د اوربند په ماتولو تورن کړي.