پاکستان امنیتي سرچینو ویلي، چي د شنبې په ورځ ناوخته د خیبر پښتونخوا په شمال کي د یوې چارټر چورلکي د لوېدو په پېښه کي ۶ تنه مړه سوي دي.
راپورونه وایي، چي دغه چورلکه د خیبر پښتونخوا ایالت په شمال کي د یوه خصوصي شرکت له خوا کرایه سوې وه.
دا الوتکه ډیورنډ کرښي ته څېرمه د شمالي وزیرستان په ناکراره سیمه کي له الوتني لږه شېبه وروسته لوېدلې ده.
د معلوماتو له مخي، په الوتکه کي د روسي پيلوټانو په ګډون شاوخوا ١۴ مسافر سپاره وه، چي پکښي ۸ تنه ژوبل سوي او نېږدې روغتون ته درملني لپاره لېږل سوي.
دا په تېره یوه لسیزه کي دا ډول څوومه پېښه ده چي د پاکستان وسلوال ځواکونه او ملکي هوایي چلند اداره یې ورسره مخ کېږي.
تر دې وړاندي په ۲۰۲۲ ز کال کي په خیبر پښتونخوا کي یوه پوځي چورلکه د روزنیز پرورګام پرمهال لوېدلې وه، چي هغه مهال پکښي ۲ پیلوټان مړه سوي وه.
دغه راز په ۲۰۲۰ کي د پاکستان د نړیوال هوايي شرکت ایربس یوه الوتکه په کراچۍ ښار کي ولوېده، چي له کبله یې پکښي سپاره ۹۹ کسان مړه سول.