د پاکستان د سرحدونو په چارو کي د دولت وزیر ویلي چي پاکستان ښايي له هر اړخیزو څېړنو وروسته ځیني فسخ سوي کارتونه بېرته د اعتبار وړ وګرځوي.
هغه پر نړیوالي ټولني، ملګرو ملتونو او اسلامي امارت ږغ کړی چي د افغان کډوالو په بېرته ستنولو کي مرسته وکړي.
هغه تایید کړې چي د کډوالو په کمپ کي حالات ډېر خراب دي او کډوال د څښاک د اوبو له نشتوالي، بې برقۍ او نورو ګڼو ستونزو سره مخ دي.
پاکستان د ۲۰۲۳م کال په اکټوبر کي اعلان وکړ چي ټول بې اسناده افغان کډوال باسي.
د ملګرو ملتونو د معلوماتو له مخي، تر دې مهاله ۷۰۰زره افغان کډوال خپل هیواد ته ستانه کړل سوي دي.