د لبنان د روغتیا وزارت تېر ماښام ویلي چي د چاودنو په دوهمه څپه کي ۴۵۰ کسان ټپيان سوي هم دي.
تر پرونیو چاودنو ۲۴ ساعته مخکي، د سه شنبې په ورځ د پیجرونو یا پیغام لېږدونکو درې زره وسیلو د چاودنو له کبله ۱۲ تنه ووژل سول او ۲۸۰۰ نور ټپيان سول.
رویټرز خبري اژانس د یوې سرچینې په حواله لیکلي، دا ځل پیجر نه، بلکي یو ډول (لاسي، بې سیمه وسیلې) چاودلي چي له پیجرونو سره یې توپیر درلود.
د حزبالله ډلي، چي د اسراییل د څارني له بيري پیجر او نوري ارتباطي وسیلې کاروي او دغه راز د ایران حکومت د چاودنو پړه پر اسراییل اچولې ده.
بل خوا سپیني ماڼۍ په لبنان کي په دوو پرلپسې ورځو کي له چاودنو وروسته په منځني ختیځ کي ټولو دخيلو غاړو ته د شخړي د زیاتېدو په اړه خبرداری ورکړ.