د سویس د بهرنیو چارو وزارت وايي چي د جي-۷ د هیوادونو په ګډون افغانستان لپاره د یو شمیر هیوادونو ځانګړو استازو د دوشنبې په ورځ په ژنیو کي په یوه غونډه کي د افغانستان پر روان وضعیت خبري کړي دي.
د سویس د بهرنیو چارو په وزارت کي د اسیا او پاسیفیک د حوزې لپاره سفیر د ایکس په ټولنیزه شبکه کي لیکلي چي په دې غونډه کي افغانستان کي د ننګونو او فرصتونو د معلومولو اوهغوی څخه د ملاتړ لپاره د ګډو اقداماتو په اړه بحثونه سوي دي.
د سویس د بهرنیو چارو د وزارت په کوربتوب په ژنیو کي د افغانستان د وضعیت د ارزولو لپاره د دې جوړي سوي غونډي په اړه تراوسه نور جزئیات نه دي خپاره سوي.
په ژنیو کي د افغانستان د وضعیت د ارزولو لپاره دا غونډه په اسپانیا کي د افغان میرمنو د وضعیت د ارزولو د غونډي وروسته جوړه سوې ده.
