د کاپیسا په الهسای ولسوالي کي د کرېکټ ۱۲ اووره سیالیو په پایلوبه کي د عقابان الهسای لوبډلي «اتحاد چهارقوم الهسای» ته ماته ورکړه او د یادو سیالیو اتلولي یې، خپله کړه.
د کاپیسا د بدني روزني امر عنایتالله هلال وایي، چي دغه ۱۲ اووره سیالي په الهسای ولسوالي کي پیل سوي وې چي ۲۰ ورځي یې، دوام وکړ.
د نوموړي په وینا، په دې سیالیو کي اتو لوبډلو د یوه بل پر وړاندي لوبي وکړې او پایلوبي ته د عقابان الهسای او اتحاد چهارقوم الهسای لوبډلو لاره پیدا کړې وه.
د کاپیسا د بدني روزني امر زیاته کړه چي د یادو لوبو له جوړېدو یې، موخه د یو بل منل او ولایتي لوبډلي ته د غوره لوبغاړو موندل دي.