آکسيوس دا راپور د دوو سرچینو په حواله چي نوم يې خپور سوى نه دى لیکلي دى او همداراز يې ویلي چي نوي استخباراتي ارزوني ښیي چي دا برید د پنجشنبې په ورځ په غزه کي د اوربند د هوکړي په اړه د خبرو اترو دمخه ترسره کېدای سي.
آکسيوس د خپلو سرچینو په حواله زیاتوي چي د اسرائیلو استخباراتي ټولنه هم په دې باور ده چي د لبنان حزب الله به لومړی پر اسرائیلو برید وکړي او بیا به ایران مستقیما پر اسرائیلو برید وکړي.
د فرانسې، بریتانیا او جرمني مشرانو له ایران او د دې هېواد له ملګرو غوښتنه کړې چي پر اسرايیل له برید څخه ډډه وکړي.
د اروپايي هېوادونو مشرانو په خبره، دا برید به سیمهییز کړکېچ نور هم زیات کړي او د اسراییل او حماس ډلي تر منځ احتمالي اوربند ته به خطر پېښ کړي.