استرالیايي استاد ټیموټي ویکس چي اوسنی نوم یې جبرائیل عمر وو نن ورځ وفات سو

په افغانستان کي اوسیدونکی استرالیايي استاد ټیموټي ویکس چي اوسنی نوم یې جبرائیل عمر وو نن چهارشنبه په کابل کي وفات سوی دی.
نوموړی له زیاتي مودې راهیسي د سرطان وژونکي ناروغۍ څخه کړېدی.
هغه چي په تیرو کلونو کي لومړی د طالبانو له خوا نیول سوی وو، وروسته بیا د بندیانو د تبادلې په ترڅ کي له زندان څخه خوشي سو.
دی له افغانستان څخه تر وتلو وروسته بیا افغانستان ته راغلی او دلته یې په خپله خوښه اسلام قبول کړ او خپل نوم یې له ټیموټي ویکس څخه (جبرائیل عمر) ته تغیر کړ.
جبرائیل عمر په کابل کي د انګلسي ژبي د استاد په توګه دنده ترسره کوله.
هغه وخت په وخت د هیواد ولایتونو ته سفرونه کول او د اسلام په اړه یې هم خپل معلومات زیاتول.