د افغانستان الف کرکټ لوبډلي د عمان او هانګ الف کرکت لوبډلو د درې اړخیزي لوبلړۍ په دوهمه لوبه کي عمان الف کرکټ لوبډلي ته په ۴۴ منډو سره ماته ورکړه.
په دې لوبه کي عمان د لوبي پچه وګټله؛ خو افغانستان ته یې د توپوهني بلنه ورکړه، افغانستان د درو لوبغاړو په سوځېدو د دروېش رسولي ۱۰۹ او کريم جنت ۶۰ منډو په جوړولو عمان ته ۲۱۲ منډي هدف ورکړ او د عمان له پاره په توپ اچونه کي شکيل احمد او رفيع الله يو، يو لوبغاړی وسوځوی او یو لوبغاړی رن اوټ سو.
عمان د اوو لوبغاړو په سوځېدو د شعيب خان ۶۲ منډو په جوړولو ۱۶۷ منډي جوړي کړې او د افغانستان له پاره په توپ اچونه کي فريدون او کريم جنت دوه، دوه او بلال سميع او قيس يو، يو لوبغاړی وسوځوی.
افغانستان الف لوبډلي په دې بریا سره د یادي لوبلړۍ پايلوبي ته لاره پیدا کړه او په پایلوبه کي به له هانګ کانګ الف کرکټ لوبډلي سره سبا لوبه کوي.