اوکرایني پوځ ویلي، چي روسي ځواکونو د پوکروفسک ستراتیژیک ښار په سویلي څنډو کي د دوی څو سنګرونه «ویجاړ او یا نیولي» دي

د اوکراین د نقشې اخیستلو یو بنسټ ویلي، چي روسي ځواکونه د پوکروفسک ښار په سویلي برخو کي درې کیلومتره نور هم مخ ته راغلي دي.
د ختیځي جبهې لپاره د اوکراین د پوځ ویاند ویلي، د اوږدو جګړو له امله د دوی دوه سنګرونه ویجاړ سوي او یو بل يې له لاسه ورکړ.
د رویټرز د خبر له مخي، د پوکروفسک ښار د اوکراین د پوځ د اکمالاتو لپاره مهم مرکز ګڼل کیږي، او د ډبرو سکرو د کان څخه د پولادو د صنعت کارخوني هم په دغه ښار کي په فعالیت بوختي دي.