ا.ا وايي، امریکا ته هیڅ وسلې بیرته نه ورکوي

د ا.ا ځینو سرچینو د ټرمپ هغه غوښتنه رد کړې چي ویلي یې دي په افغانستان کي د دوی وسلې او پوځي تجهیزات دي بېرته ورکړل سي.
د ا.ا ځینو سرچینو رسنیو ته ویلي، چي امریکا ته هیڅ وسلې بیرته نه ورکوي او طـ.البان د داعش سره د مبارزې لپاره نورو وسلو ته لا هم اړتیا لري.
په ټولنیزو رسنیو کي هم د ا.ا ډېری غړیو لیکلي چي امریکا او ناټو يې ماته کړې او ورڅخه پاته وسلې به بیرته هیڅ کله ورنه کړي.
د ا.ا چارواکو ویلي، دوی له ناټو او امریکا سره په جګړه کي ډيري قربانۍ ورکړي او د دې قربانیو په بدل کي به هیڅ کله امریکا او ناټو پاته سوي وسلې او تجهیزات تر لاسه نه کړي.
د طـ.البانو چارواکو ویلي، امریکا دي له دوی سره د تقابل پالیسۍ مخته وړلو پر ځای د تعامل لاره غوره کړي چي دا د دواړو لوریو په خیر ده.
ا.ا ادعا کوي چي امریکا له افغانستان څخه د وتلو پر مهال سم نیمایي وسلې او تجهیزات له منځه وړي او په خبره یې الوتکي یې د منځنۍ اسیا هیوادونو ته انتقال کړي دي.
د امریکا نوي ولسمشر ډونالد ټرمپ د لوړي له مراسمو یوه ورځ مخکي خپلو پلویانو ته په یوه وینا کي وویل چي طـ.البان دي په افغانستان کي د امریکا د میلیاردونو ډالرو پاته سوي تجهیزات بېرته ورکړي.