د امریکا ولسمشر یوځل بیا له افغانستانه د امریکايي ځواکونو د وتلو د پرېکړي دفاع کړې ده.
جوبایډن پرون د بهرنیوچارو په وزارت کي د ډیپلوماتانو غونډي ته د وینا پرمهال په دې اړه څرګندوني کړي دي.
د ولسمشر په توګه د ښاغلي بایډن دنده په یوه اونۍ کي پای ته رسېږي او ټاکل سوې ده چي منتخب ولسمشر ډونالډټرمپ د جنوري په شلمه لوړه وکړي.
ټرمپ بیا له افغانستان څخه د وتلو پرېکړه شرموونکې بللې ده.
امریکايي پوځیان د دوحې د موافقې پر اساس د طالبانو له واکمنېدو دوې اونۍ وروسته د ۲۰۲۱ کال د اګست په ۳۱مه له افغانستانه ووتل.
دا موافقه د ۲۰۲۰ کال د فبروري په ۲۹مه، د ټرمپ د ولسمشرۍ د لومړۍ دورې پرمهال لاسلیک سوه.
د ۲۰۲۱ کال د اګست په ۲۶مه د امریکايي سرتېرو د وتلو په بهیر کي د کابل هوايي ډګر په ابي نومي دروازه کي په یوه ځانمرګي برید کي چي پړه یې داعش ډلي ومنله، ۱۳ امریکايي پوځیان او له ۱۷۰ ډېر افغانان ووژل سول.