د بريتانيا حکومت وايي يو شمېر هغو وړ افغان ځانګړو ځواکونو ته چي په افغانستان کي د بريتانوي ځواکونو تر څنګ جنګېدلي او مخکي يې د پنا غوښتني رد سوي وې په دې هیواد کي د اوسېدو اجازه ورکوي.
د بريتانيا پخواني حکومت د شاوخوا دوه زره افغان ځانګړو ځواکونو د مېشتېدو غوښتني رد کړي وې.
دا پوځيان د سي اېف ۳۳۳ او اې ټي اېف ۴۴۴ ځانګړو ځواکونو برخه وه چي د “ټرېپلز” په نامه پېژندل کېدل.
د بريتانيا د وسله والو ځواکونو وزیر لوک پولارډ د پارلمان غونډي ته ویلي، اوس ارزونو موندلې چي ځیني غوښتنلیکونه په ناسم ډول رد سوي دي.
د ښاغلي پولارډ په وینا، تر اوسه ۲۵ سلنه رد سوي غوښتنلیکونه له ارزول کېدو وروسته منل سوي دي.