د ملګرو ملتونو د بشري مرستو د همږغۍ دفتر (O.C.H.A) ویلي چي، بلغاریا له افغانستان سره ۳۰ زره یورو مرسته کړې ده.
د یاد دفتر د افغانستان څانګي پر خپله اکسپاڼه لیکلي چي، دا مرسته یاد هیواد د روان ۲۰۲۴ زېږدیز کال له پاره کړې؛ ترڅو په راتلونکي ژمي کي اړمنو افغانانو ته ژوند ژغورونکي مرستي په برابري کړي.
د دغي مرستي خبر داسي مهال ورکول سوی چي، تر دې مخکي یاد دفتر ویلي وو چي، د روان زېږدیز کال له پیل راهیسي ئې له ۱۵،۳ میلیونه کسانو سره مرستي کړي؛ خو ۲۳،۷ میلیونه نور افغانان هم بشري مرستو ته اړتیا لري.
