تر دې وروسته په پیژندپاڼو کي اصلاحات په ولایتونو کي هم کېږي

‏د احصایې او معلوماتو ملي ادارې خبر ورکړی، چي مراجعینو ته د اسانتیاوو په موخه یې د کاغذي او برېښنایي پېژندپاڼو اصلاحي خدماتو صلاحیتونه ولایتي ریاستونو ته هم ورکړل.
د دغه ادارې ویاند محمد حلیم رافع ویلي، چي په همدې تړاو یې له ولایتي ریاستونو سره انلاین غونډه کي دغه پرېکړه کړې ده.
هغه زیاته کړې، چي دا پرېکړه یې د هیوادوالو د ستونزو حل او د هغوی له سرګردانۍ او وخت ضایع کېدو د مخنیوي لپاره کړې ده.
خلک وایي، له ډېره وخته یې دا غوښتنه وه چي د پیژندپاڼو اصلاح په ولایتونو کي هم وسي چي اوس ومنل سوه.
د خلکو په وینا، د پخوانیو تذکرو په برخه کي هم باید ورته اسانتیا رامنځ ته سي که چیري کوم کس دوې تذکرې ولري او غواړي چي مخکینۍ تذکره لغوه کړي باید مرکز ته د تګ لپاره مجبوره نه کړل سي.
د دوی په خبره، اوس مهال د پخوانۍ تذکرې لغوه کول په اونیو ان په میاشتو وخت نیسي چي په ادار کي د خلکو کار نه خلاصیږي.