د افغانستان پخواني ولسمشر حامد کرزي ویلي، طالبان دي باید ژر تر ژره په طبي انسټیټیوټونو کي د نجونو پر زده کړو د منعې پرېکړه لغوه کړي.
د دې پرېکړي په غبرګون کي کرزي پر خپله ایکس پاڼه لیکلي، چي افغانستان به هغه مهال له بهرنیو اړتیاوو وژغورل سي او له داخلي ستونزو به خلاص سي چي متخصص او لوستي بشري منابع ولري او دا کار هغه مهال ممکن دی چي د پوهني او علومو د زده کړي ډګر د ټولو ځوانانو نجونو او هلکانو لپاره موجود وي.
هغه په ټینګار سره پر حکومت ږغ وکړ، چي ژر تر ژره په طبي موسسو کي د نجونو له زده کړو د منع کولو پریکړه لغوه او پر دې سربیره د ښوونځیو او پوهنتونونو دروازې پرانیزي.
بل خوا اروپایي ټولني هم په یوه بیان کي دا پرېکړه چي په طبي زدهکړو مووسسو کي یې د نجونو او ښځو پر زدهکړو بندیز لګولی دی، په کلکه غندلې او دا یې د بنسټیزو بشري حقونو یوه بله سرغړونه وبلله.
