پخوانی افغان ولسمشر حامد کرزی د جرمني، بریتانیا، ترکیې او متحده عربي اماراتو له چارواکو سره تر لیدنو وروسته کابل ته ستون سوی دی.
سرچینې وایي، چي پخواني ولسمشر په جلا وطنۍ کي له افغان سیاسي مشرانو سره هم د بین الافغاني خبرو د پیل په اړه خبري کړي دي.
سرچینې د ښاغلي کرزي د ناستې نور جزییات نه دي ورکړي خو وایي، چي نوموړي د څلورو هیوادونو له چارواکو او په بهر کي له افغان سیاستوالو سره په خبرو کي پر دریو ټکو تمرکز درلود، لکه “د ملي ارادې د نمایندګۍ لپاره د ملي خبرو پیل، له انزوا د افغانستان را ایستل او له افغانانو سره د بشري مرستو دوام.
په کابل کي د ښاغلي کرزي دفتر تر اوسه د هغه د سفرونو په اړه څه نه دي خپاره کړي.
جرمني، بریتانیا، ترکیې او متحده عربي اماراتو ته د ښاغلي کرزي سفر په داسي حال کي کېږي چي د ښځو پر وړاندي د سرپرست حکومت پر سختو سیاستونو د نړیوالي ټولني نیوکي لاپسي زیاتي سوي دي.
