د افغانستان د سولي لپاره د امریکا پخواني ځانګړي استازي زلمي خلیلزاد د پاکستان له حکومته غوښتي، چي له افغان کډوالو سره د ناوړه چلند او جبري نیولو مخه ونیسي.
هغه په خپله اېکس پانه لیکلي، پاکستاني چارواکي باید له افغان کډوالو سره د غیر قانوني چلند او جبري اخراج مخه ونیسي.
خلیلزاد داسي وخت دا غوښتنه کوي، چي د بخښني نړیوال سازمان د کډوالو د حقونو د کمپاین فعال جېمز جینیون هم د پاکستاني چارواکو له لوري د هغو سختو تعقیبونو، د بشري حقونو جدي سرغړونو او بشري ناورینونو په اړه بېپروا چلند چي له افغان کډوالو سره یې کوي، ناهیلی کوونکی بللی دی.
هغه زیاته کړې، د دې پر ځای چي پاکستاني چارواکي د افغان کډوالو د ایستلو لړۍ د درولو لپاره نړیوالي غوښتني ومني، د ناهیلۍ خبره دا ده چي اوس دا لړۍ د افغان (ACC) کارټ لرونکو کډوالو ته هم رسېدلې ده.