د دفاع وزارت ځینو سرچینو ویلي، لږ تر لږه ۱۹ پاکستاني سرتېري وژل سوي او ځیني یې ټپيان دي.
سرچینو ویلي چي د پاکستاني پوله ساتو په هاوانونو کي د پکتیا د ډنډپټان ولسوالۍ په شپولي سیمه کي لږ تر لږه ۳ ځایي اوسېدونکي وژل سوي او دوه ټپیان دي.
د خوست ولایت علیشېرو ولسوالۍ اوسېدونکي بیا وایي کرښي ته نږدې سیمو کي شاوخوا ۳۰۰ کورنۍ د جګړې له بېري نورو سیمو ته کډه سوي دي.
د پنجشنبې په شپه هم د دې ولایت په ډنډپټان ولسوالۍ کي د دواړه لوریو ترمنځ د وسلوالي شخړي راپور ورکړل سوی وو.
پکتیا او خوست کي حکومتي سرچینې نښتي تاییدوي او وایي چي پاکستاني اړخ ته یې مرګ ژوبله اړولې خو په خبره یې دقیق شمېر به وروسته شریک کړي.
پاکستان بیا په دې نښتو کي طالبانو ته د مرګ ژوبلي اړولو ادعا کړې ده.
