دا په دغه لړۍ کي دویم ځل دی چي افغانستان له متحدو عربو اماراتو څخه لوبه ګټي.
د یکشنبې د ورځې په لوبه کي د متحدو عربو اماراتو لوبډلي افغانستان ته ۸۹ منډو هدف وټاکی.
د اماراتو ټول لوبغاړي په ۳۶.۳ اوورونو کي وسوځېدل.
افغان لوبغاړو ټاکل سوی هدف په ۲۲م اوور کي پوره کړ او لوبه یې په اتو ویکټو وګټله.
افغانستان تر دې مخکي د پاکستان د ۱۹ کلنو لوبډلي سره هم دوې لوبي کړي وې چي یوه یې ګټلې او یوه یې بایللې وه.
اوس افغانستان د سه شنبې په ورځ نومبر ۲۶ له پاکستان سره د دغي لړۍ پایلوبه کوي.
