د افغانستان او زمبابوې کرکټ ملي لوبډلو ترمنځ د ټیسټ کرکټ لومړۍ لوبه سبا پنجشنبه د مرغومي په ۶مه پیلېږي.

افغان لوبډلي تر دې وړاندي له زمبابوې سره د شل اوره او یو ورځنیو لوبو لړۍ ترسره کړې، چي دواړه یې ورڅخه ګټلي دي.

ټېسټ لوبو ته په اعلان سوې لوبډله کي حشمت الله شهیدي د لوبډلمشر او رحمت شاه د مرستیال لوبډلمشر، دغه راز افسر ځاځی او اکرام علي خېل د ویکټ ساتونکو په توګه ځای لري؛ عبدالمالک، ریاض حسن، بهیرشاه محبوب، صدیق اتل، عصمت الله عالم، عظمت الله عمرزی، ضیاء اکبر، زاهد شهزاد، راشدخان، ظاهرخان، یمین احمدزی، بشیر احمد، فرید ملک او نوید ځدراڼ د نوملړ برخه دي.

د دواړو لوبډلو ترمنځ به دوهمه ټیسټ لوبه د راتلونکي ۲۰۲۵ز کال د جنوري میاشتي له دویمي نېټې تر شپږمي نېټې پوري ترسره کړي.