افغان لوبډلي اماراتو ته په ۱۷۰ منډو ماته ورکړه. امارتي لوبډلي ټولټال ۱۹۰ منډي جوړي کړې.
د افغانستان او متحده عربي اماراتو تر اتلسو کلونو کښته لوبډلو ترمنځ په دې سیالۍ کي لومړی افغان لوبډلي توب وهنه یا بیټنګ وکړ او په ټاکلو ۵۰ اورونو کي یې ۳۵۹ منډي وکړې.
افغانستان خپله لومړۍ مسابقه له پاکستان څخه د سلو منډو په توپیر ګتلې او پاکستان بیا متحده عربي اماراتو ته په لسو ویکټونو ماته ورکړې ده.
د افغانستان، متحده عربي اماراتو او پاکستان په دې سیالیو کي هره لوبډله باید دوه – دوه ځله له یو بل سره مخامخ سي.