په افغانستان کي ښايي دومره خلک د بېس بال لوبي په اړه کافي معلومات ونه لري خو د افغانستان د بېس بال د ملي ټیم غړي وايي، شاوخوا څوارلس کاله وړاندي دغه لوبه افغانستان ته راوړل سوې ده.
دوی د لوبي لپاره د لوبغالو نه موجودیت، د کارېدونکو وسایلو کمښت او په ټوله کي د مالي امکاناتو نه موجودیت په افغانستان کي د بېس بال ورزش پر وړاندي لویي ننګوني بولي.
د افغانستان د بېس بال د ملي ټیم مرستیال مدیرعبیدالله افغان وايي، چي په افغانستان کي بېس بال فدارسیون رسما ثبت سوی دی.
بیس بال یوه ډله ییزه لوبه ده ، لوبډلي یې نهه کسیزي دي او د کرکټ په شان په منډو سره امتیاز تر لاسه کېږي.
