د افغانستان د کرکټ د ملي لوبډلي لوبغاړي راشد خان دا مرستي د بیسبال لوبغاړو ته سپارلي دي.
د افغانستان د بیسبال ملي لوبډله په متحدو عربو اماراتو کي د « بیسبال یونایټډ» په لیګ کي له پاکستان، هند، بنګله دېش او متحدو عربو اماراتو سره ولوبېدله، دوی خپلي ټولي لوبي وبایللې، خو لوبغاړي یې خوشحال دي چي افغانستان په دغو سیالیو کي برخه لرله.
د بیسبال د ملي لوبډلي مسوولین وایي، چي لوبغاړي یې له ډېرو اقتصادي او تخنیکي ستونزو سره مخامخ دي او له همدې کبله د افغانستان د کرکټ لوبغاړو ورسره اقتصادي مرسته وکړه.
د بیسبال د ملي لوبډلي اداري مسوول د افغانستان د کرکټ د ملي لوبډلي د لوبغاړو څخه مننه کړې او وايي، چي د بیسبال لوبډلي لوبغاړي د افغان کرکټ لوبغاړو په مرسته او د هغوی په لیدو ډېر هڅول سوي دي.