د نولسکلنو ځوانانو د اسیا جام په ترڅ کي نن افغانستان له سریلانکا سره سیالي وکړه، چي د ۱۳۱ منډو په تفاوت یې وبایلله او په اسیا جام کي له مخکي تګ څخه پاته سول.
دغه سیالي چي د عربي متحده اماراتو د شارجې په لوبغالي کي تر سره سوه، سریلانکا د پچي تر ګټلو وروسته توپوهنه وکړه.
د سریلانکا توپوهونکو پوره ۵۰ اورونه ولوبول، ۷ لوبغاړي یې وسوځېدل او ۲۴۳ منډي یې وکړې.
افغان لوبډلي د خپلي توپوهني په پاڼۍ کي ۲۸.۲ اورونه ولوبول، ټول لوبغاړي یې له لاسه ورکړل او ۱۱۲ منډي یې وکړې.
