کرکټ بورډ ویلي چي د افغانستان د کرکټ ملي لوبډلي سره د مشر روزونکي په توګه د ۴۳ کلن ټراټ تیري دوه نیم کاله کامیابي دورې ته په کتو د هغه د قرارداد موده د ۲۰۲۵ کاله پوري غځوي.
په اعلامیه کي ویل سوي چي ښاغلی ټراټ په دې موده کي د افغانستان د کرکټ ملي لوبډلي د پام وړ پرمختګ او کامیابۍ سبب سو.
د انګلستان د ملي لوبډلي دا پخوانی لوبغاړی د ۲۰۲۲ میلادي کال راهیسي د افغانستان د کرکټ ملي لوبډلي مشر روزونکی دی.
د ټراټ په مشرۍ کي د افغانستان ملي لوبډلي وکولای سول چي د لومړي ځل لپاره ۲۰۲۴ کال د شل اوریز نړیوال جام نیمه پای لوبي ته ووځي.
